الشات الرياضي - سوالف رياضية متنوعة و متجددة

[مجـــرد ملاك]

صبااااح الخير <<< لقرائنا صباحا

ومساااء الخير <<< لقرائنا بالليل


يمكن الموضوع واضح من عنوانه وهو الشات الرياضي

يعني هالموضوع خاص للسوالف الراياضيه وطء الحنك والذب باللاعبين << بس مو تتهورون


يعني خذو راحتكم <<< لأني لاحظت انكم تحبون الهرج والمرج والهذره

..........


اتمنى ان الموضوع يعجبك والفكره <<< بصراحه ما قد شفتها بأي منتدى يعني اذا ما عجبتكم ياليت تعطوني خبر عشان ألغيه <<<< صدق اني ديموقراااطي


اتمنى التثبيت،،،

[تيماء]

فكرة متفردة وممتعة لكل الرياضين

هنيئا لنا بك وهنيئا لكل الرياضين هنا هذا الملتقى الرياضي



شكراً لك

[المشتاق]

فكره جديده ورائعه >> والله لايحرمنا من افكارك الجايه

موضوع بيكون شيق واتنمى انه يكون النقد للاعبين او الانديه يكون في حدود الاخلاق الرياضيه

واتمنى من مشرفين هذا القسم النظر في الموضوع ..

تحيتي لك اخي

[خالد الحريّص]

فكره راائعه



يالغالي



ومن هناا نباااااااااارك لزعيييييييييييييييييييم

درع الدوووري



احتراامي

[المشتاق]

الف مبروك للزعيم .. وقدامكم كاس التحدي بين الانديه كاس الملك

[مجـــرد ملاك]

أشكـــركم علـــى الاطــــراء الجميــــل

وان كنـــت أعتــــب عـــلى مشرفيـــن

القســـــم الرياضــــي لعـــدم التثبيـــت

الـــى الآن .

وبالنسبة للهلال اقولة الف مبروك

بس والله اقولها وفي شوية مرارة

الكورة الحديثة الآن اصبح عامل الحظ

يلعب دورا كبيرا فيها وهذا اللي

قاعد يخرب علينا متعتها ومباراة الهلال

والاتحاد خير دليل على ذلك وقبلها مباراة

الهلال والشباب يعني الهلال مشت معاه

آخر حلاوة ولا انتم لكم راي آخر

[فهد بن ملحم العبيوي]

فكره رائعه

[حد السيف]

بالتوفيق للجميع في كاس خادم الحرمين الشريفين

واشكررررررررك على الطرح

[مجـــرد ملاك]

توقعاتكم لكأس الملك ياشباب ويابنات

يمكن يسويها الهلال ولا بقية الاندية

لها كلام ثاني

[ماجد العزيزي]

مجرد ملاك

حياك الله في قسم المنتدى الرياضي

واشكرك لطرح نقاش او سوالف عن الانديه والاعبين والرياضه بشكل عام

....
اما بنسبه لمين الكاس فالتوقع في الحقيقه صعب بين هالانديه الكبيره

واترك الراي للاخوان لتعليق والمناقشه الجاده البعيده عن التعصب

والتي لا تخدم الرياضه ولا تخدمنا


تقبل مروري



ماجد العزيزي

[مجـــرد ملاك]

اشكر مرورك اخي الحبيب ماجد العزيزي

[مجـــرد ملاك]

ياشباب منهو اللاعب الهلالي

اللي وقعت معاه art لتحليل المباريات

انا قريت الخبر امس بس ماقريت اسمه

اللي عنده خبر يطلعنا عليه .

[المشتاق]

طيب ياشباب مدام نحن في هذه المساحه للحديث والنقاش ..

خلونا نتناقش في موضوع عن رياضتنا ..

ابي اسئلكم ..

احسن مستوى الكوره السعوديه هالايام والا كورة زمان ..؟؟


انا في نظري كانوا اللاعبين قبل يلعبون بدون تكتيك صح بس كان عندهم حماس لتمثيل الوطن
بصوره ممتازه موزي اللحين يلعبون ببرود اعصاب واكبر دليل مباراة اوزباكستان الأخيره ..

اتمنى ان ارى نزف اقلامكم قريبا

[ماجد العزيزي]

بنسبه للاعب الهلالي هو سامي الجابر


والله اخوي مشتاق لي عوده على هالموضوع والنقاش المفيد

[عادل الهجلة]

مجرد ملاك ...


تسلم اخوي ع الفكرة ...

وانا مطلع إلى الان ...


لكن لي عـــودة هنا ان شاء الله ...

[مجـــرد ملاك]

الكورة زمان كورة اصلية ما شوهتا الدراهم

كانوا يلعبون علشان يفوزن ويصنعوا لانفسهم تاريخ

اما الآن للاسف اللاعب اللي تشبع ماديا صار يلعب

اي كلام مثل حسين عبدالغني شوف حسين

اول ما طلع وشوف حسين الآن فرق كبير للاسف

وبعدين لما تجي تقارن بين لعيبة زمان ولعيبة اليوم

ههههاي فرق كبير أوي شوف ماجد عبدالله وجاسم يعقوب

وامين دابو واحمد الصغير وفيصل الدخيل والنعيمة ......الخ

وشوف الجيل الحالي صدقني ما راح يوصلون من ناحية المستوى

للي كانو عليه لعيبة السابق وقيس على الجيل السابق

بيليه ومارادونا وبوشكاش ودي ستيفانو وماثيوس وبكنباور

وبلاتيني وزيكو والقائمة تطول وتطول

وجهة نظر،،

[ماجد العزيزي]

انا في رأي المتواضع

كوره زمان كانت اصرار الان احباط

كوره زمان بدون فنيات الان ابداع

كوره زمان في احترام الان ضرب وقله ادب

كوره زمان في قله ماده الان مزايدات ماله نفس سوق الاسهم

كوره زمان كانت تسليه وترفيه الان احتراف واكل عيش للاعب



هذا اللي حبيت اذكره على عجاله وشكرا


تقبل مروري

[المشتاق]

اشكركم على طرح آرائكم ,,
واتمنى من احدكم اي احد يطرح لنا موضوع ,

[مجـــرد ملاك]

من هو الاعب الاكثر وسامه وجمالا من الاعبين العالميين ؟


http://img.photobucket.com/albums/v107/rebelkid/kaka.jpg

النجم البرازيلي / ريكاردو كاكا .



http://images.kooora.com/i.aspx?i=news_001%2fman_utd_001%2fronaldovfulhamne w373.jpg

النجم البرتغالي / كريستيانو ا رونالدو




http://www.barrq.org/up2/pic/19._MESSI

النجم الإرجنتيني / ليونيل ميسي

[ماجد العزيزي]

خخخخخخخخخخخخ

ههههههههههههه

اهلين اخوي ملاك موضوعك ابجاوب عليه

كاكا انسان متواضع وحبوب عند الجماهير وحاليا يتقن اللغه الايطاليه وهو متزوج من عارضه ازياء ايطاليه
وهو شخص غني ماديا

كرستيانو انسان مغرور بالعربي شايف نفسه ينظر للمهارات واللعب دون الاهداف والفائده لفريقه عصبي

ميسي مهاري من الدرجه الاولى يلعب وعينه على المرمى انسان مهاري صحيح لكن مايهتم لساتيل والشخصيه



اعتقد اني جاوبت عن الافضل كل واحد بعيدا عن الوسامه والشكليات
:D:D

تحياتي لك

[حراير]

خلونا من الوسامه

وقولوا ليني تتوقعون نفوز بكره

لو فاز الهلال بكره

علي الطلاق ياعشاكم عندي قولوا تم

لوووووووووووووووووووووووووول

[عادل الشلاحي]

أقول لانك عارفه انه ماراح يفوز بكره تقولين العشاء عندك


قولي مأبي أعشيكم وخلاص ههههههههه

[عبدالرحمن المطيري]

يارب يفوز الهلال



مو على شان الهلال .. على شان العشا هههههههههههههههههههه


دعواتكم :)

[ماجد العزيزي]

هههههههههههههههههههههههههههههه

دوبك لا طلقين احد خخخخخخخخخخخخ

اكيد الحظوظ اتحاديه بشكل كبير جدا


تحياتي