لغز خاص بالديري والمتعاطفين معه هههه

[مجاهد الفكر]

كل يوم مصبحنا ب لغز

ماامدانا نطلع من عجة الاول الا هو جايب لنا الثاني

واخرتها لاعرفنا الاول ولا سلمنا من الثاني


بس استلم


انشدك عن بيض شعر روسهن شيب=حسينات الألسن موضيات الجبيني
بنات من يشفق على المحد والطيب=اللي له شيوخ العرب خاضعيني


دمتووووووووووووووو

[العنقا]

ماهي بنات الفكر ...

لاهنت ياخوي والله يعطيك العافيه ..

[مجاهد الفكر]

مال تعاطفك لوى ههههههه


بس بصراحه ما انتي هينه


لاهنتي

[العنقا]

طيب هو محسوس والا ملموس << تعقدت

[احمدالعارضي]

لاهنت على اللغز الرائع يامجاهد الفكر

ننتضر الديري اذا ماحله نرمع بعده

[احمدالعارضي]

طيب هو محسوس والا ملموس << تعقدت

هههههههههههههه

نسيتي تقولين قفص ولا نفس؟

[العنقا]

هههههههههههههه

نسيتي تقولين قفص ولا نفس؟
لا عاد هذي ماعرفتها يامهدووم البيت << هذا لغز لحاله << خلت لغز الديري :korh:

[مجاهد الفكر]

العنقا
قصدك مواااااااااشي والا راوااااااااااااسي ههههه


احمد
مرحبا مليون
وش نسوي فيه له اسبوع حاشرنا الغاز
خلنا نحوسه شوي هههه

[الديري]

مجاهد الفكر

مرحبا وألف مرحبا

يعني ناوي علي.........

طيًب..

سوف ترى فعل فارس بني عيًاد...

إنتظرني,,,,,,,,, (يابلفيت بيسوي شي)

نعم إنتظرني,,,,

[الديري]

أخوي مجاهد الفكر

من أول الليل وانا احاول واشيل ذي وانزل ذي,,,

إذا اركبت من جهه..ماتركب من الجهه الثانيه...

صراحه إحترت ولا لقيت حل مناسب..

لكن باحاول...

وأعيد المحاوله

[مجاهد الفكر]

ههههه


الله لايهينك

وتراه لغز شمالي يعني دافنينه تحت ارضمه ههه<<<<حصاه بالشمالي ههه

لكن انتظرك

[العنقا]

ماهو الخيل ..

[فارسهم 01]

مـجـاهــد الـفــكـر

مــا هــي ( الإبـــل )

[مجاهد الفكر]

والله رمعاتكم

محلها


بس مو هي

ان قاله الله لنشف ريققك يالعنقا <<<قاهرتني يوم سبقتني وحلت الالغاز وخربت فرحتي هههه


لاهنتووووووووو

[العنقا]

والله لتبطي يامهدوم البيت <<< ماتعرفني زين ...

[العنقا]

ياعل الشيب يجيك انت ولغزك << والله شكله ماهو وافي << تراني عاد امزح

الووكاد ماهن البيارق <<< لاتزرا علي

[الديري]

جماد ولا نبات ولا حيوان

لأن هذا اللغز شكل حله مدفون دفن...

لأني قلت النجوم...

بس ماتركب لأن اللغز يقول حلوات الألسن,,,

[مجاهد الفكر]

لعنقا ياجعلك من ذا الحلول واردى ههههه

حرام لتفحطين ماجبتي حله

ويمكن من القهر عليك اذا حليتيه اقول مالك لوى هههههه

ناوي الرداء ههه


اخي الديري

والله انك حلول الموضوع وقربت كثير جدا

انتظر حلولكم على قز مغيز هههه

[احمدالعارضي]

لنا يومين مااحد حله

بجرب حظي وأقول

السحاب

[الديري]

اشغلنا مجاهد الفكر الله يشغل ابليسه

اخوي احمد قال السحاب...

هل ممكن الجواب صحيح؟

لأن مشكلنا هو حلوات الألسن,,,

بنشوف...

[احمدالعارضي]

هلا الديري

السحاب مجرد رمعه رغم اني استبعدها هههههههههه

البيت الثاني لحس مخي هههههههههههه

اللي سوى اللغز هذا يايكون شديد الذكاء او شديد الغباء > يدري ان اللغز ماهو لمجاهد ههههههه

[فارسهم 01]

مـجـاهــد اـفــكــر


مـاهــو ( الــعــود )

أو ( الـواسـطــه )

[الديري]

هلا الديري

السحاب مجرد رمعه رغم اني استبعدها هههههههههه

البيت الثاني لحس مخي هههههههههههه

اللي سوى اللغز هذا يايكون شديد الذكاء او شديد الغباء > يدري ان اللغز ماهو لمجاهد ههههههه

والله صدقت ياأحمد العارضي

يعني أحاول أركبها على أشياء لكن هناك أمور في اللغز لاتوافق الحل...

لكن بنحاول..

وإذا عجزنا نبي نشتريه بلغز..

ههههههههه

لكن نبيه يقرب لنا..

حتى نقدر نذبح لغزه...

[خالد الجش]

يعطيك العافيه اخوي مجاهد
والله اللغز مليان وحله صعب

وانا رمعتي السنون
والله اعلم

[العنقا]

ماهي ... الرتب << نجوم

[مجاهد الفكر]

اسف على التاخير

احمد وش دخلك عرض شكلك متعاطف مع الديري

بس قرااااااااااااااار عليك السحااااب صح

الباقين مالكم لوى وخااااصه العنقا ههههه


لاهنتم جميعا

واسف مليون ونص على التاخير